താലീസപത്രാദി വടകം | TALISAPATRADI VATAKAM

🌿 താലീസപത്രം(Himalayan Silver Fir)- Abies webbiana, Pinaceae

📜 റഫറൻസ്: അഷ്ടാംഗഹൃദയം- ചികിത്സാസ്ഥാനം- 10ാം അധ്യായം(ഗ്രഹണീദോഷ ചികിത്സിതം)/16-21 ശ്ലോകം

📖SLOKA:

താലീസപത്രചവികാമരിചാനാം പലംപലം

കൃഷ്ണ‌ാതന്മൂലയോർദ്വേ ദ്വേ പലേ ശുണ്‌ഠീപലത്രയം. (16)

ചതുർജാതമുശീരം ച കർഷാംശം ശ്ലക്ഷ്ണചൂർണ്ണിതം

ഗുഡേന വടകാൻ കൃത്വാ ത്രിഗുണേന സദാ ഭജേൽ. (17)

മദ്യയൂഷരസാരിഷ്ടമസ്‌തുപേയോനുപയോനുപഃ

വാതശ്ലേഷ്‌മാത്മനാം ഛർദ്ദിഗ്രഹണീപാർശ്വഹൃദ്രുജാം. (18)

ജ്വരശ്വയഥുപാണ്ഡുത്വഗുല്‌മപാനാത്യയാർശസാം

പ്രസേകപീനസശ്വാസകാസാനാം ച നിവൃത്തയേ. (19)

അഭയാം നാഗരസ്ഥാനേ ദദ്യാദത്രൈവ വിഡ്ഗ്രഹേ

ഛർദ്ദ്യാദിഷു ച പൈത്തേഷു ചതുർഗുണസിതാന്വിതാ. (20)

പക്വേന വടകാഃ കാര്യാ ഗുഡേന സിതയാപി വാ

പരം ഹി വഹ്നിസമ്പർക്കാല്ലഘിമാനംഭജന്തി തേ. (21)

താലീസപത്രാദി വടകം | TALISAPATRADI VATAKAM

☘️ INGREDIENTS:

• 1 പലം വീതം:

1. താലീസപത്രം(Himalayan Silver Fir)- Abies webbiana, Pinaceae

2. അത്തി തിപ്പലി

3. കുരുമുളക്

• 2 പലം വീതം:

4. തിപ്പലി

5. കാട്ട് തിപ്പലി

6. ചുക്ക് - 3 പലം

7. ചതുർജാതം

8. രാമച്ചം ഇവ കാൽ പലം വീതം

നേർക്കെ പൊടിച്ച് അതിന്റെ 3 ഇരട്ടി ഉണ്ട ശർക്കര കൂട്ടി വടകം ആക്കുക.

• മദ്യം, യൂഷം, മാംസരസം, അരിഷ്ടം, തൈർ വെള്ളം, നുറുക്കരി കഞ്ഞി, പാൽ ഇതിൽ ഏതെങ്കിലും ഒന്ന് അനുപാനമായി ഉപയോഗിക്കുക.

👨‍⚕️ INDICATIONS:

• വാത കഫ പ്രധാനങ്ങളായ:

• ഛർദ്ദി

• ഗ്രഹണി

• പാർശ്വ വേദന

• ഹൃദയ വേദന

• ജ്വരം

• ശോഫം

• പാണ്ഡു

• ഗുല്മം

• മദാത്യയം

• അർശസ്

• കഫ പ്രസേകം

• പീനസം

• ശ്വാസം

• കാസം

• ഈ രോഗങ്ങളിൽ മലബന്ധം ഉള്ളപ്പോൾ യോഗത്തിലെ ചുക്കിന്റെ സ്ഥാനത്ത് 3പലം കടുക്ക ചേർക്കുക.

• മേൽ പറഞ്ഞ ഛർദ്ദി മുതലായ രോഗങ്ങൾ പിത്താധിക്യമാണെങ്കിൽ ശർക്കരക്ക് പകരം 4 ഇരട്ടി പഞ്ചസാര ചേർക്കണം.

• ശർക്കര കൂട്ടിയോ പഞ്ചസാര കൂട്ടിയോ ആയാലും അത് പാകപ്പെടുത്തി വേണം വടകങ്ങളാക്കാൻ. എന്തെന്നാൽ അഗ്നിയിൽ വെച്ച് പാകപ്പെടുത്തുന്നതിനാൽ വടകങ്ങൾ ഏറ്റവും ലഘുത്വം ഉള്ളതായി തീരുന്നു.